En l'emprima mesadad n'hai dà nagins gols. In autogol dals Egipzians ha procurà per il 1:0 per ils Russ. Il segund gol ha Tscherischew fatg – ses terz gol al campiunadi. Dsjuba ha fatg il terz gol da questa partida, uschia ch'i steva fin la 62avla minuta 3:0. Il superstar dals Egipzians ha bain anc pudì far in gol. Suenter il 0:1 cunter Uruguay stattan els dentant curt avant il out.
Senegal gudogna cunter la Pologna cun 2:1
Il Senegal ha gudagnà cunter la Pologna cun 2:1. Ils Senegales han manà suenter 36 minutas, quai grazia ad in autogol dals Polacs. Il segund gol han ils Senegales fatg en la 59avla minuta. Ils Polacs han bain pudì far in gol cun il chau. Dad egualisar la partida n'è dentant betg gartegià.
Il Giapun batta la Columbia
Al Giapun è gartegià la partenza en il turnier: En la gruppa H gudogna il Giapun cunter la Columbia cun 2:1.
Carlos Sanchez ha survegnì la carta cotschna en la terza minuta suenter in hands, uschia ch'ils Columbian eran be pli en 10 sin il plaz. Cun il ballachau da Yuya Osakos via pitga 13 minutas avant la fin dal gieu è il duel tranter ils teams da l'America dal Sid e l'Aisa è l'emprima gida crudà en favur d'in outsider.
RR novitads 16:00