Siglir tar il cuntegn
cuntegn

Naziunal/Internaziunal Ronaldo: «Nagut pli serius»

Tenor las indicaziuns dal trenader da Real Madrid, Zinedine Zidane, n’haja il giugader da ballape Cristiano Ronaldo betg sa blessà uschè grevamain.

Apunta, Ronaldo cul numer 7 vegn tgirà da sanitaris da Real.
Legenda: Ronaldo vegn tgirà la dumengia saira suenter ch’el era sa blessà en il gieu cunter il FC Barcelona. Keystone

En «il Clasico», la partida cunter Barcelona, aveva Ronaldo survegnì ina frida sin l’oss radund. El aveva anc giugà fin la pausa, n’era suenter dentant suenter betg pli returnà sin il plaz.

Quant temp che Ronaldo vegn a far pausa, na saveva il trenader anc betg. Ronaldo haja ditg ad el, ch’el sa fetschia intgins pensiers, ma ch’igl na saja «nagut pli serius» – uschia Zidane.

Zidane saja persvadì, che Ronaldo vegn a giugar en il final da la Champions League cunter Liverpool ils 26 da matg. Quai scriva l’agentura da novitads svizra SDA.

RR novitads 12:00