Siglir tar il cuntegn
cuntegn

Naziunal/Internaziunal Roger Federer triumfescha a Schanghai

Roger Federer gudogna l’ATP Masters 1000 a Schanghai. En il final ha il Svizzer battì il numer 1 dal mund, il Spagnol Rafael Nadal. Quai en dus sets cun 6:4 e 6:3.

Federer gudogna danovamain cunter Nadal.
Legenda: Federer gudogna danovamain cunter Nadal. Keystone

En il final ha Roger Federer battì il numer 1 dal mund, Rafael Nadal. Uschia ha Il Svizzer gudagnà er il quart duel da la stagiun cunter ses rival spagnol.

Ultra da quai ha Federer gudagnà ses 94avel titel sin la tura dad ATP.

Nadal adversari preferì?

Cunter il Svizzer era Nadal en il final senza schanzas. Ensemen cun il final da Basel l'onn 2015 ha Federer cunquai gudagnà tut ils tschintg duels cunter il Spagnol.

Mes adversari preferì na vegn el tuttina betg.
Autur: Roger Federer

Sco Federer di vinavant, avess el uss atgnamain da chalar. Da batter Nadal tschintg giadas en seria n'haja el anc mai cuntanschì.

RR novitads 14:00