Siglir tar il cuntegn
cuntegn

Naziunal/Internaziunal Roger Federer sto puspè ir sur 5 sets

En runda dus dal US Open sto Roger Federer danovamain giugar sur tschintg sets. Tuttina batta el il russ Michail Juschni cun 6:1, 6:7, 4:6, 6:4 e 6:2.

Roger Federer en acziun al US Open.
Legenda: Roger Federer gudogna en tschintg sets cunter michail Juschni. Keystone

La buna novitad – Federer è anc adina en il turnier ma la prestaziun da Federer n’èra betg top. Suenter ina fitg buna entschatta ha Federer curt avant la fin dal segund set pers il fil e quasi pers il gieu cunter Michail Juschni (ATP 101). Ma Federer n’ha la finala betg dà si e suenter problems cun in gramfli tar Juschni ha el pudì augmentar las forzas e dar la decisiva storta a la partida. En runda trais frunta Federer uss u sin il Spagnol Feliciano Lopez u sin Fernando Verdasco era da la Spagna.

RR novitads 06:00