Siglir tar il cuntegn

Naziunal/Internaziunal Roger Federer perda mezfinal

Per Roger Federer è il turnier d'ATP a Halle en la Germania a fin. Il favurit e defensur dal titel ha pers cunter il Tudestg Alexander Zverev cun 6:7 (4:7). 7:5 e 3:6.

Roger Federer gratulescha a ses adversari Alexander Zverev
Legenda: Roger Federer gratulescha a ses adversari Alexander Zverev Keystone

Per Roger Federer è quai stà la 11avla gia ch'el ha prendì part al turnier da Halle. Igl è l'emprima gia ch'el manchenta il final da quest turnier. Ils onns 2007, 2009 e 2011 n'aveva el betg prendì part. Cun 8 victorias è Federer il campiun da record a Halle.

Questa giada n'hai betg tanschì per il final. Federer ha pers cunter il pli giuven giugaders dals top 50, il Tudestg Alexander Zverev (ATP 38). Per il giuven da 19 onns è quai in da ses pli gronds success en sia carriera.

RR novitads 15:00