Siglir tar il cuntegn

Header

cuntegn

Naziunal/Internaziunal Roger Federer a Montreal en il mezfinal

Grazia ad ina victoria suverana, cuntanscha Roger Federer il mezfinal dal turnier da tennis a Montreal.

Il Svizzer da 36 onns gudogna en il quartfinal cunter il Spagnol Roberto Bautista Agut, il numer 16 dal mund, en dus sets cun 6:4 e 6:4. Federer è sa preschentà bler meglier che la gievgia, cura ch’el ha stuì cumbatter fitg per batter en trais sets in ulteriur Spagnol, David Ferrer.

Adversari da Federer en il mezfinal da sonda saira, è l'Ollandais Robin Haase. Quel ha eliminà en il quartfinal il Bulgar Grigor Dimitrov en trai sets.

RR novitads 23:00

Artitgels legids il pli savens