Siglir tar il cuntegn
Inhalt

Rio 2016 Usain Bolt cuntanscha per la terza giada aur sur 100 e 200 meters

Suenter sia victoria sur 100 meters a Rio ha il currider jamaican era gudagnà la cursa sur 200 meters als gieus olimpics.

Usain Bolt cun la bandiera da la Jamaica suenter sia victoria sur 200 meters a Rio.
Legenda: Usain Bolt suenter sia victoria sur 200 meters. Keystone

Bolt è currì ils 200 meters en 19 secundas e 78 tschientavels. Il record mundial da 19 secundas e 19 tschientavels che Bolt vuleva cuntanscher en il final, ha el uschia dentant manchentà cleramain. Segund è vegnì il canadais Andre de Grasse, terz il franzos Christophe Lemaître.

Per Usain Bolt è quai la otgavla medaglia a gieus olimpics. El è uschia sin posiziun trais dals megliers da l'atletica leva. Mo il Finlandais Paavo Nurmi e l'American Carl Lewis han gudagnà pli savens aur a gieus olimpics.

RR novitads 06:00