Siglir tar il cuntegn

Rio 2016 Team da chavaltgar svizzer manchenta medaglia

L'equipa svizra da chavaltgar è daventada sisavla als gieus olimpics da Rio, quai cun 15 puncts da chastì.

Purtret da la chavaltgadra Janika Sprunger.
Legenda: Era Janika Sprunger n'ha betg pudì cumpensar il retard. EQ IMAGES

Gudagnà ha la Frantscha cun be trais puncts da chastì, avant ils Stadis Unids e la Germania.

Cun otg puncts da chasti è il team da la Svizra partì en la segunda runda. Ina memia gronda differenza: Janika Sprunger, Romain Duguet, Martin Fuchs e Steve Guerdat n’han betg pudì cumpensar il retard ed èn daventads 6avls a Rio.

Tut ils quatter chavalchaders svizzers èn sa qualifitgads per il final da la concurrenza singula. Partir dastgan dentant mo trais. Uss sto il schef d'equipa decider, tgi che po ir a la partenza.

RR novitads 18:00