Siglir tar il cuntegn

Rio 2016 Steingruber rocla duas giadas

Discletg per la gimnasta artistica Giulia Steingruber. En il final da la concurrenza per terra è la Svizra ruclada gist duas giadas ed ha perquai stuì sepulir gia baud il siemi d'ina segunda medaglia olimpica. Cun 11,8 puncts è Steingruber vegnida la finala otgavla ed ultima.

purtret da Giulia Steingruber
Legenda: Trumpada per la giuvna Svizra. Tuttina fa ella ina bilantscha positiva da la stagiun. Keystone

En la qualificaziun aveva Giulia Steingruber fatg 14,666 puncts ed en il final da la concurrenza multidisciplinara 14,733.

Victura olimpica en la gimnastica per terra è l'Americana Simone Biles cun la nota da 15,966 puncts, avant sia cumpatriota Alexandra Raisman (15,500). Bronz va a la Brita Amy Tinkler (14,933). Per Biles èsi gia sia quarta medaglia dad aur a ses emprims gieus olimpics.

RR novitads 21:00