Siglir tar il cuntegn
Inhalt

Rio 2016 Steffen manchenta la medaglia da bronz

Benjamin Steffen ha manchentà al turnier da spada olimpic il podest. Il Basilais ha pers il final pitschen cunter il franzos Gauthier Grumier e finescha il turnier sin plazza quatter.

Benjamin Steffen è trumpà.
Legenda: Benjamin Steffen manchenta la medaglia da bronz. Keystone

Steffen ha cumenzà bain ed è ì en avantatg cun 3:1. Ma Grumier ha pudì reagir. Il numer in da la glista mundiala ha pudì distanziar il Svizzer e la finala gudagnà cun 15:11.

Il cumbat dal mezfinal aveva Steffen pers cunter il Sidcorean Sangyong Park cun 15:9.

Clera terrada per Heinzer

Era Max Heinzer aveva pers il quartfinal cunter Park e quai cler cun 4:15. Il Sidcorean aveva dominà cunter Heinzer. Per il terz Svizzer Fabian Kauter è il turnier gia stà a fin en l’otgavelfinal. Il Bernais aveva pers cunter il franzos Yannick Burell.

RR novitads 18:00+