Siglir tar il cuntegn

Rio 2016 Stan Wawrinka desista dals gieus olimpics

Stan Wawrinka na po betg ir a Rio de Janeiro. I vegn speculà ch'el haja problems cun il dies.

Stan Wawrinka fruscha davent il suaditsch suenter in turnier.
Legenda: Er Stan Wawrinka na po betg far part als gieus olimpics a Rio de Janeiro. Keystone

La delegaziun da sportists svizzers daventa adina pli pitschna. Tar Wawrinka sajan ils problems sa rinforzads durant il turnier a Toronto. Ses medi haja lura cusseglià ad el da far ina pausa.
Suenter Roger Federer e Belinda Bencic è quai il terz giugader da tennis che na sa participescha betg als gieus olimpics a Rio de Janeiro.

RR novitads 18:00