Siglir tar il cuntegn
Inhalt

Rio 2016 Siglidra cun l'asta russa Jelena Isinbajewa sa retira

A l'ur dals gieus olimpics da Rio ha la siglidra cun l'asta russa, Jelena Isinbajewa, declerà ch'ella sa retiria dal sport da prestaziun.

Jelena Isinbajewa dat adia al sport da prestaziun.
Legenda: Jelena Isinbajewa dat adia al sport da prestaziun. Reuters

L'atleta da 34 onns, ch'è daventada campiunessa olimpica il 2004 ed il 2008, tegn anc adina il record mundial da siglir cun l'asta, e quai cun 5.06 meters.

Suenter ch'ils sportists da la sparta atletica leva da la Russia eran vegnids exclus dals gieus olimpics a Rio, aveva Isinbajewa empruvà da sfurzar ina participaziun sin via giudiziala. Ella aveva dentant fatg naufragi.

A Rio è Isinbajewa vegnida elegida sco nov commember da l'IOC ed appartegn en l'avegnir a la cumissiun d'atlets.