Siglir tar il cuntegn

Rio 2016 Passa in mez milliun visitaders en il «House of Switzerland»

Durant ils gieus olimpics a Rio de Janeiro han dapli che 500'000 persunas visità la represchentanza svizra.

Visitaders sin la patinera sintetica en il «House of Switzerland».
Legenda: Visitaders sin la patinera sintetica en il «House of Switzerland». Keystone

Gia las activitads, represchentaziuns ed ils lavuratoris han carmalà ina massa visitaders, tenor l'annunzia dal Departament federal d'affars exteriurs EDA sajan quai stà 160'000 visitaders. Las attracziuns las pli popularas sajan stadas la patinera sintetica, ina culla da naiv gigantica cun gondla e pendiculara ed in traject da currer.
La colonia svizra a Novo Friburgo ha plinavant era purschì in lavuratori da tschigulatta ch'è era vegnì visità bain.
Il «House of Switzerland» resta era avert durant ils gieus paralimpics.

RR novitads 09:00