Siglir tar il cuntegn

Header

cuntegn

Olá Brasil Rio – ina citad da velos

Il traffic a Rio è enorm. I dat propi savens vias stuppadas. En vista als gieus olimpics ha Rio investì bler en il traffic public, ha per exempel construì novas lingias da metro, la viafier sutterana. Per distanzas pli curtas datti dentant anc ina meglra alternativa a l’auto – il velo.

450 kilometers vias da velo datti a Rio! Ina gronda rait ed era ina buna rait. Savens èn las vias da velo schizunt separadas da las vias dad auto, na betg mo cun in stritg da colur, mabain propi separadas endretg, in impurtant aspect da segirtad.

Las vias da velo da Rio vegnan frequentadas bain - da ciclists sco era da curriders, da skateboarders e dad inline skaters. Schizunt in sistem d’emprestar velos datti. Pratic, cumadaivel e savens pli spert che da star cun l’auto en colonna.

Artitgels legids il pli savens