Mintgin che vul duvrar ils bogns dal resort d’abitaziuns sto laschar attestar in medi ch’el saja saun. Quai hai jau lura er fatg. Igl è vegnì organisà in medi en il resort, e tut tgi che ha vulì, ha pudì ir sin controlla per survegnir l'attestat.
La controlla ha cuzzà circa ina minuta. Il sulet ch’il medi ha fatg è controllar la pressiun dal sang. Lura èsi stà da pajar radund 30 francs, e schon han ins survegnì l'attestat. La raschun per questa regla in pau speziala saja ina lescha brasiliana che scriva avant ch’ins stoppia avair in attestat dal medi, sche pliras persunas dovran il medem bogn. Sch’ins sa dentant nudar ni betg, gliez n'interessa nagin.
RR actualitad mezdi 11:00