Siglir tar il cuntegn

Olá Brasil Ils Brasilians, in pievel gidaivel

Avant che partir en Brasilia hai jau fatg patratgs tant dal pajais sco era da la glieud. Tscherts èn sa mussads sco vairs, auters betg.

Fans en il quatier da Barra.
Legenda: Ils Brasilians che nus avain inscuntrà eran adina gidaivels. RTR, Roger Alig

Jau aveva m’imaginà las Brasilianas ed ils Brasilians, forsa era tenor il cliché, sco cordials e ch’els prendan tut in zic pli luc. Quell’impressiun hai jau uss era propi gì dals Brasilians a Rio. Sch’ins dumonda ad insatgi suenter la via ni cura ch’il proxim bus vegn, vegn adina empruvà da gidar. Jau ma sun sa sentì bainvegnids en la Brasilia.

In auter cliché, ch’ils Brasilians hajan in grond plaschair da viver, ch’els giajan tras la vita a chantond e cun in rir, n’hai jau betg adina vis uschia. Quai è dentant era chapaivel, la vita a Rio n’è betg adina simpla, cun pajas bassas ed ina gronda criminalitad.

Ils Brasilians vegnan la finala dentant a restar a mai en buna memoria. Vegnan a restar en regurdientscha sco cordials e gidaivels.

RR actualitad 11:00