Siglir tar il cuntegn
Inhalt

Rio 2016 Nicole Büchler siglia al diplom olimpic

Als gieus olimpics a Rio daventa la Svizra Nicole Büchler 6avla en il siglir cun l'asta, e cuntanscha uschia in diplom olimpic.

Nicole Büchler che siglia cun l'asta
Legenda: Nicole Büchler durant il final dal siglir cun l’asta als gieus olimpics 2016. Keystone

La Svizra da 32 onns è siglida en l'emprima emprova sur 4 meters e 70. Silsuenter n’ha Nicole Büchler dentant betg gì success sin las autezzas da 4,80 meters (in’emprova betg gartegiada) e da 4,85 meters (duas emprovas betg gartegiadas).

Frenada d'ina blessura

Cun ses resultat als gieus olimpics è Nicole Büchler fitg cuntenta. Anc la fin zercladur era ella sa blessada vid la coissa durant ina concurrenza en la Finlanda. Perquai aveva ella era stuì desister dal campiunadi europeic. Quest resultat n’haja ella insumma betg spetgà, a ditg Büchler.

Aur va en la Grezia

Campiunessa olimpica en il siglir cun l'asta daventa la Greca Ekaterini Stefanidi, cun surmuntar in’autezza da 4,85 meters. Argient va a l’Americana Sandi Morris, e bronz a Eliza McCartney da la Nova Zelanda.

RR novitads 06:00