Rafael Nadal gioga al turnier da tennis als gieus olimpics las partidas dal singul, dubel ed era dal mix, quai ha il giugader spagnol ditg. La squadra haja decis ch’el gioga e la scheffa dal team Conchita Martinez saja dal avis che Nadal saja la meglra opziun per in bun resultat da la Spagna.
«L'equipa haja decidì che jau duai giugar» ha ditg l'anteriur numer 1 dal mund da tennis. I na saja nagina situaziun ideala. El sa legria da puspè esser da la partida a gieus olimpics. Ils gieus olimpics 2012 aveva Nadal manchentà pervi da blessura.
Dapi la fin da matg ha Nadal giugà nagina partida da tennis pli.A la festa d'avertura dals gieus olimpics porta Nadal la bandiera da l'equipa spagnola.
