Siglir tar il cuntegn

Rio 2016 Ina secunda ha mancà per bronz

Il chavaltgader svizzer Steve Guerdat n'ha betg pudì defender ses titel da campiun olimpic da Londra.

Il chavaltgader Steve Guerdat en acziun.
Legenda: Cuntrari a Londra n'è il siemi d'ina medaglia olimpica a Rio betg ì en vigur per Steve Guerdat. Keystone

En il percurs decisiv da la concurrenza da siglir sur obstachels a Rio ha Guerdat stuì laschar nudar 4 puncts da chastì ed è vegnì quart.

Gudagnà la concurrenza ha il Brit Nick Skelton avant il Svedais Peder Fredricson ed il Canadais Eric Lamaze.

Lamaze ha medemamain gì 4 puncts da chastì, è dentant stà per 99 tschientavels pli spert che Guerdat ed ha uschia gudagnà bronz.

Martin Fuchs è vegnì 9avel ed ha uschia manchetà in diplom olimpic. Romain Duguet ha terminà la concurrenza sin plazza 32.

RR novitads 21:00