Il vitg svizzer represchentia las valurs svizras sco avertadad ospitalitad ed entusiassem per il sport, scriva il Departament federal d'affars exteriurs EDA. Ed en il vitg duain pudair sa scuntrar sportists e sportistas svizras cun visitaders da l'entir mund.
Sco ina da las paucas chasas naziunalas als Gieus olimpics è il «House of Switzerland» avert al public. Sin ina gronda tenda pon ins persequitar direct diversas decisiuns dals gieus. Dasperas datti da gustar spezialitads svizras.
La preschientscha svizra a Rio de Janeiro custa 6,35 milliuns francs. La finanziaziun succeda tras in partenadi public-privat.
RR novitads 22:00