Siglir tar il cuntegn
Inhalt

Rio 2016 Hingis e Bacsinszky gudognan lur premiera

Malgrà ch'ellas han dà per l'emprima giada insumma in dubel ensemen èn ellas s'accordadas bain. La pitga impurtanta dal gieu è dentant stada Martina Hingis.

Duas giugadras da tennis.
Legenda: En l'otgavelfinal spetgan las Americans sin il dubel Bacsinszky/Hingis. Keystone

La delegaziun Svizra da tennis è ida pulit decimada al turnier olimpic a Rio. Federer, Wawrinka e Bencic n'han betg pudì far il viadi en la Brasilia. Uschia ch'i è restà Timea Bacsinszky e Martina Hingis. Bacsinszky ha gist stuì dar il singul ed il dubel il medem di.

En il singul n'h i betg tanschì, ma en il dubel cun Martina Hingis schon. Ellas han cuntanschì ils 8avels finals suenter ch'ellas han battì las australianas Daria Gavrilova e Samantha Stosur. Il gieu è ì a fin suenter trais sets cun 6:4, 4:6 e 6:2.

Uss cunter las Americanas

En l'otgavelfinal fruntan Hingis e Bacsinszky sin Bethanie Mattek-Sands e Coco Vandeweghe dals Stadis Unids. Ellas han gudagnà lur partida da partenza cunter il team spagnol. La partida cumenza glindesdi suentermezdi a las 15:45 uras.

RR novitads 6:00