Siglir tar il cuntegn

Rio 2016 Heidi Diethelm Gerber gudogna bronz

La tiradura Heidi Diethelm Gerber gudogna cun la pistola da sport sur la distanza da 25 meters als gieus olimpics a Rio la medaglia da bronz. Quai l’emprima medaglia svizra a quests gieus e l’emprima medaglia olimpica d’ina tiradura insumma.

Il podest olimpic da dunnas pistola da sport 25 meters.
Legenda: Il podest cun la victura la Greca, Anna Korakaki, la Tudestga Monika Karsch (sanester) e la Svizra Heidi Diethelm Gerber (da san.). Keystone

Per la tiradura da 47 onns ord il chantun Turgovia è la medaglia da bronz in success. En il duel per la medaglia da bronz ha Diethelm Gerber stuì sajettar cunter la Chinaisa Zhang Jingjing, l'actual numer in dal mund.

Insumma emprima medaglia d’ina tiradura svizra

Las 20 medaglias olimpics da fin qua da tiradurs per la Svizra eran fin ussa tuttas vegnidas gudagnadas da umens.

L’ultim victur d’ina medaglia olimpica per ils tiradurs, era ina da bronz, è stà il 2000 a Sydney Michel Ansermet.

RR novitads 21:00