Siglir tar il cuntegn
Inhalt

Rio 2016 Glisch verda per navigaturs a vela, nudaders e rembladers

Ils organisaturs dals gieus olimpics da Rio vesan tenor ils davos tests da l'aua nagin privel per la sanadad da navigaturs, triatlets, nudaders da maraton e rembladers.

Golf da Guanabara a Rio de Janeiro.
Legenda: Golf da Guanabara a Rio de Janeiro. Keystone

Il golf da Guanabara nua che las concurrenzas da navigar han lieu, fascheva ils pli gronds quitads damai ch'i vegn manà en quel fin a 18’000 liters aua betg purifitgada per secunda.

Tenor in studi, fatgs per incumbensa da l'agentura da novitads AP, eran las valurs da scherms infectus en la mar avant Rio l'onn passà per part fin ad 1,7 milliuns giadas pli auts che lubì en l'Europa.

RR novitads 12:00