Siglir tar il cuntegn
Inhalt

Rio 2016 Equipa da chavaltgar svizra sut squitsch

En il chavaltgar olimpic è l'equipa svizra sut squitsch. Suenter l'emprim da dus percurs ha il quartett stuì nudar 8 puncts ed è sin posiziun 7.

Janika Sprunger siglia cun ses chaval Bonne Chance sur in obstachel.
Legenda: Janika Sprunger cun ses chaval Bonne Chance durant sia perfurmanza dal mardi passà. Keystone

Las meglras 8 equipas dal chavaltgar olimpic vegnan en il final. L'entschatta e la fin n'èn betg gartegiadas als Svizzers. Janika Sprunger, sco emprima, ha stuì nudar duas bittadas ed ha uschia mess sut squitsch ses collegas. Romain Duguet e Martin Fuchs han silsuenter mussà ina prestaziun suverana. A Steve Guerdat èsi capità dus ulteriurs sbagls.

Cunquai ch'i ha gist quatter equipas senza sbagls vegni ad esser grev per ils Svizzers da gudagnar ina medaglia en il team. La segunda runda dals 8 megliers teams datti mesemna.

RR novitads 20:00