Siglir tar il cuntegn

Header

cuntegn

Rio 2016 Diplom olimpic per la rembladra svizra Jeannine Gmelin

L'atleta svizra è remblada en il final-A cun skiff sin plazza 5 da 6 e conquista uschia in diplom olimpic.

Gudagnà la cursa ha la favorita Kimberley Brennan (AUS) avant Genevra Stone (USA) e Duan Jingli (CHN). Curt suenter la cursa è l'atleta svizra sa mussada en in'intervista cun SRF cuntenta da sia prestaziun ed ella saja grata dad insumma avair pudì far quest'experientscha.

Sco scrit.
Legenda: L'atleta turitgaisa Jeannine Gmelin (26) a la costa dal mar Ipanema. Keystone

La turitgaisa Gmelin era sa qualifitgada suveranamain per il final-A cun las ses meglras bartgas sin la Lagoa Rodrigo de Freitas. Lura era ella vegnida suenter fitg bain a las favuritas Kimberley Brennan ed Emma Twigg.

Cun il diplom olimpic da Jeannine Gmelin ha ragiunt la societad svizra da remblar sia finamira dad 1 medaglia e 2 diploms olimpics.

RR novitads 16:00

Artitgels legids il pli savens