L'IOC aveva acceptà ina delegaziun russa da 271 atlets. Quai èn radund 70% dals atlets russ. 100 sportistas e sportists ha l'IOC sclaus. Il Tribunal internaziunal dal sport CAS ha perencunter decis che 3 sportists russ ch’èn gia vegnids punids pervi da doping pon far part: La campiunessa mundiala en nudar, Julia Jefimova, ils rembladers Anastassija Karabelschtschikowa ed Ivan Podschiwalow. Il CAS ha approvà lur recurs. Els eran gia vegnids sentenziads pli baud pervi da doping, han dentant expià il chasti.
RR novitads 06:00