Siglir tar il cuntegn

Rio 2016 «Bonnie ed jau n'èssan betg da la partida»

La chavaltgadra svizra Janika Sprunger dat adia als gieus olimpics da Rio. Il schef d’equipa Andy Kistler è sa decidì cunter la chavaltgadra da 29 onns.

Tar la qualificaziun aveva Janika Sprunger gì medem blers puncts da chasti sco ses collegas d’equipa.
Legenda: Tar la qualificaziun aveva Janika Sprunger gì medem blers puncts da chasti sco ses collegas d’equipa. Keystone

«Igl è stà mes pli grond siemi da pudair chavaltgar en il final a Rio. Andy Kistler ha elegì ils trais chavaltgaders per il final. Bonnie ed jau n'essan betg da la partida», scriva la chavaltgadra trumpada via Twitter.

Tut ils quatter chavaltgaders svizzers han cuntanschì il final, dentant sulet trais per naziun dastgan far part al final. Quai èn uschia per la Svizra Romain Duguet, Martin Fuchs e Steve Guerdat.

RR novitads 15:00