Siglir tar il cuntegn
Inhalt

Bom dia Rio Stöckli è cuntent cun sia prognosa

Ralph Stöckli, schef da la delegaziun svizra als gieus olimpics, è cunetent cun sia prognosa: Annunzià tschintg e fatg tschintg. Ed ils gieus olimpics n'èn anc betg a fin.

Purtret da Ralph Stöckli.
Legenda: Ralph Stöckli po trair ina buna bilantscha intermediara a Rio. Keystone

Igl è ina tradiziun als gieus olimpics ch’il schef da la delegaziun svizra sto far ina previsiun quantas medaglias che la Svizra gudogna. Da quella tradiziun ed obligaziun n’è er Ralph Stöckli betg mitgà. L’anteriur giugader da curling è il nov chef da missiun da Swiss Olympic. Suenter che l’emprima mesadad dals gieus olimpics a Rio èn vargads ha Stöckli fatg ina bilantscha intermediara. E quella è pli che mo buna: Annunzia tschintg e fatg tschintg e quellas tschintg medaglias ha la Svizra gia gudagnà en l'emprima emna dals gieus olimpics .

RR actualitad 07:00