Siglir tar il cuntegn

Header

cuntegn

Bom dia Rio Igl è sta nagut cun in'ulteriura medaglia d'aur

Nicola Spirig n'ha betg pudì defender il titel d'avant quatter onns - la fin hai tanschì per argient. La preparaziun n’è betg stada optimala. Ina ruttadira multipla dal maun ha disturbà pulit ils trenaments per la stagiun olimpica - forsa in dals motivs ch'i n'ha betg tanschì per aur.

audio
Nicola Spirig suenter la cursa - cuntenta cun il segund plaz
ord RTR Audio dals 20.08.2016.
laschar ir. Durada: 16 Secundas.

Nicola Spirig ha pers 40 secundas sin la victura Gwen Jorgensen dals Stadis Unids da l'America. La medaglia da bronz va a Vicky Holland da la Gronda Britannia. Er la segunda Svizra, Jolanda Annen, ha mussà ina buna prestaziun. Ella è vegnida 14avla.

Preparativas betg optimalas

Il mars è Nicola Spirig cupitgada cun il velo ed ha rut il maun. Uss n'ha ella betg main che 23 struvas en il maun. Mo tuttina è Spirig anc vegnida da trenar bain las davosas emnas. Ella ha gudagnà il triatlon a Turitg. Ed a San Murezzan ha ella triumfà tant en il duatlon sco en il triatlon.

audio
Bunura: Bom dia Rio: Nicola Spirig vul defender il titel
ord Actualitad dals 20.08.2016.
laschar ir. Durada: 1 minuta 46 Secundas.

La furma constat. Nicola Spirig sa senta bain e vul defender ses titel ch’ella ha gudagnà avant quatter onns a Londra. Il trenader Brett Sutton è optimistic. Tenor el na saja nagin pli fit che Spirig. Ella possia ir a la partenza cun in surrir.

RR actualitad 07:00++

Artitgels legids il pli savens