Siglir tar il cuntegn

Rio 2016 Aur per Usain Bolt sur 100 meters

Il currider da la Giamaica gudogna per la terza giada en rotscha aur en la disciplina roiala a gieus olimpics.

Usain Bolt è danovamain campiun olimpic sur ils 100 meters. Il currider giamaican ha gudagnà la cursa en 9,81 secundas. Sin il segund plaz suonda l’American Justin Gatlin. Terz daventa il Canadais Andre De Grasse.

Bolt è cun quai l'emprim sprinter en l'istorgia che gudogna per la terza giada en rotscha la disciplina roiala.

Als gieus olimpics en Brasilia vul il Giamaican realisar sia terza tripletta suenter Londra 2012 e Peking 2008: La terza medaglia d'aur sur 100 meters, 200 meters sco er sur 4x100 meters.

RR novitads 06:00