Siglir tar il cuntegn
Inhalt

Rio 2016 Aur da Rio arrivà a Kloten

Il campiun olimpic Nino Schurter è enavos en la patria. L'aviun cun ils olimpionics Nino Schurter ed ils rembladers è sa platgà cun retard. Blers fans han spetgà cun brama per lura far als victurs olimpics in bainvegni euforic.

Medemamain en l'eroplan dal sgol LX93 da Rio eran las atletas Jolanda Neff, Linda Indergand sco era Mathias Flückiger. Intgins dis da vacanzas ha la triatleta Nicola Spirig anc prendì. Ella turna la gievgia.

A Kloten/Turitg è Nino Schurter vegnì beneventà da ses fans. Tant il Club da velo Surselva sco er il Club da fans da Schurter han tramess ina delegaziun da bainvegni a la plazza aviatica. En il medem eroplan sco Nino Schurter eran er ils victurs olimpics da remblar Simon Niepmann, Mario Gyr, Simon Schürch e Lucas Tramèr.

Impressiuns da l’arrivada e dal bainvegni per Nino Schurter datti er questa saira en il Telesguard a las 17:40 uras.

RR novitads 15:00