Siglir tar il cuntegn
Inhalt

Rio 2016 Argient per Timea Bacsinszky e Martina Hingis a Rio

En il final dal dubel al turnier da tennis olimpic a Rio de Janeiro perdan las Svizras Timea Bacsinszky e Martina Hingis cunter las Russas Jekaterina Makarowa e Jelena Wesnina en 98 minutas cun 4:6 e 4:6.

Timea Bacsinszky e Martina Hingis
Legenda: Malgrà ina buna partida perdan las Svizras Bacsisnzky/Hingis il final dal turnier da tennis a Rio. Keystone

Bain han las duas Svizras gì en mintga set mintgamai 3 pussaivladads da far in break, dentant na han ellas mai pudì rumper tras il service da las Russas.

Las Russas da lur vart han fatg lur breaks al 4:3 en l'emprim set, ed al 5:4 en il segund set.

Cumpareglià cun il quartfinal ed il mezfinal na han las duas Svizras mai cuntanschì en il final il livel, ch'ellas avevan mussà fin uss en il turnier olimpic dal dubel. Suenter 98 minutas è la sconfitta stada realitad.

RR novitads 20:00