Siglir tar il cuntegn
Inhalt

Rio 2016 Almain argient olimpic per Hingis & Bacsinszky, forsa aur

Martina Hingis e Timea Bacsinszky èn en il final dal turnier da tennis dubel dals gieus olimpics a Rio de Janeiro.

suenter il gieu a la rait vida gratular
Legenda: Timea Bacsinszky e Martina Hingis a la rait suenter lur qualificaziun per il final. RTR, Ursin Lechmann

Il mezfinal

Las Svizras han gudagnà en il mez-final cunter las tschecas Andrea Hlavackova e Lucie Hradecka. Quai en 3 sets cun 5:7, 7:6 e 6:2. Simpel n'èsi betg stà: Bacsinszky e Hingis han stuì sa defender cunter 2 ballas da match – han però pudì volver il gieu e gudagnar.

En il final fruntan Hingis e Bacsinszky dumengia sin las Russas Jekaterina Makarowa e Jelena Wesnina.

Il quart final

Ellas duas s'allegran.
Legenda: Allegria suenter la victoria - Martina Hingis e Timea Bacsinszky qua anc tar la victoria en il quart final. Keystone

Il quart final avevan Martina Hingis e Timea Bacsinszky gudagnà cunter il duo taiwanais Chan Hao-Ching/Chan Yung Jan.

RR novitads 20:00/06:00 ++