Siglir tar il cuntegn

Header

cuntegn

Naziunal/Internaziunal Rins destruescha siemis da podest dad Aegerter

Per il svizzer Dominique Aegerter hai dà ina dolurusa trumpada al Grond Premi da San Marino. Il pilot da l’Argovia era ordavant en la cursa da Moto2 cura ch’el è vegnì stuschà giu da la pista. Il leader Johann Zarco ha festivà la 6avla victoria da la stagiun.

Dominique Aegerter sto vinavant spetgar sin ses segund plaz da podest questa stagiun. En la 6avla runda dal GP da San Marino ha il Spagnol Alex Rins tutgà il Svizzer che manava la cursa, uschia ch’el è cupitgà en la curva ed è la fin finala crudà ora da la cursa. Aegerter ha gì ina fitg buna partenza davent da la plazza 5 ed ha surpiglià en curt la testa da la cursa.

Lüthi be 10avel

Ils ulteriurs pilots svizzers da la Moto2 n’han betg pudì persvader. Mo per Tom Lüthi sco 10avel e Randy Krummenacher sco 14avel hai tanschì per puncts.

Gudagnà ha il Franzos Johann Zarco avant il Spagnol Tito Rabat ed il Giapunais Takaaki Nakagami.

RR novitads 14:00

Artitgels legids il pli savens