Siglir tar il cuntegn
cuntegn

Naziunal/Internaziunal Ricciardo gudogna a Shanghai

Davent da la sisavla plazza si sisum sin il podest: Daniel Ricciardo gudogna sin Red Bull il grond premi a Shanghai. Uschia vegn l’equipa da Red Bull tar l’emprima victoria questa stagiun.

Apunta, baiva schampagn or da stgarpa.
Legenda: Festegiar cun baiver schampagn ord l'agena stgarpa – il victur Ricciardo en in dals numerus rituals da triumf da sportists. Keystone

L'Australian era partì da la plazza sis ed ha surprendì en runda 45 la testa da Valtteri Bottas (Mercedes), ch'è vegnì la fin segund. Plazza dus va a Valtteri Bottas sin Mercedes e sin plazza trais segua Kimi Räikönnen sin Ferrari.

Auto da cursa en cursa.
Legenda: Da plazza sis sisum sin il podest: Daniel Ricciardo (AUS) sin Red Bull gudogna a Shanghai. Keystone

Pole setter Vettel era vegnì scurrentà da Max Verstappen en la 43avla runda davent da la plazza 3 ed ha terminà la cursa sin plazza 8. La buna situaziun da partenza n’ha betg gidà als dus pilots da la Scuderia Rossa. Per l’emprima giada dapi il 2004 era l’emprima lingia puspè cotschna: Sebastian Vettel aveva conquistà la pole position avant ses collega Kimi Räikkönen.

Il campiun mundial Lewis Hamilton è vegnì quart. Ils dus pilots dad Alfa-Sauber na vegnan betg en ils puncts e termineschan la cursa sin plazza 16 - Marcus Ericsson e sin plazza 19 - Charles Leclerc.

RR novitads 10:00