Siglir tar il cuntegn
Inhalt

Naziunal/Internaziunal Reto von Arx perda 1000avla partida cun HCD

Il club da hockey da Tavau ha da novamain pers. Suenter la terrada da venderdi saira ordaifer cunter Bienna, ha il HCD era pers sonda saira a chasa cunter ils ZSC Lions. Quai cun 0:1 suenter sajettar penaltis.

Reto von Arx sin il banc durant la partida cunter ils ZSC Lions.
Legenda: Reto von Arx ha pers sia milli avla partida en la liga naziunala A. Keystone

Per in, numnadamain Reto von Arx, è la terrada zunt pitra. Reto von Arx ha giugà sonda saira sia 1000avla partida en la liga naziunala A. Tut las milli partidas ha von Arx giugà cun il club da hockey da Tavau. Tantas partidas per in'unica squadra n'ha avant von Arx anc nagin auter giugader giugà.

HCD resta sin plazza 4

Malgrà tut, Reto von Arx n'è actualmain betg propi en furma e n'ha era betg pudì contribuir ad in meglier resultat cunter ils ZSC Lions. En la tabella resta il HCD sin posiziun 4. Alla testa da la tabella resta Berna, avant ils ZSC Lions e Zug.

Ils ulteriurs resultats

Fribourg - Ambri 3:2

Genevra - Berna 1:4

Kloten Flyers - Zug 4:3 suenter prolungaziun

Rapperswil Jona Lakers - Bienna 4:5

Lugano - Losanna 5:0

(RR novitads 23:00)