Siglir tar il cuntegn
Inhalt

Naziunal/Internaziunal Renault vegn cun agen team en la furmla 1 e surpiglia Lotus

En la furmla 1 surpiglia Renault la squadra da Lotus ch'aveva da sbatter cun las finanzas e turna uschia la proxima stagiun puspè cun ina atgna squadra en il circus d'automobil.

In auto da la furmla 1.
Legenda: L'equipa da Lotus daventa a partir da la proxima stagiun Renault. Keystone

En la furmla 1 surpiglia Renault la squadra da Lotus ch'aveva da sbatter cun las finanzas e returna uschia la proxima stagiun puspè cun ina squadra en il circus d'automobil.

Suenter tractativas sur plirs mais a il concern d'autos franzos communitgà ier saira sia decisiun. Lur finamira saja da gudagnar - era sche quai dovria in tschert temp - a ditg il schef da Renault Carlos Gohn.

Furnitur da motors a partir dal 2011

Il constructur d’autos franzos era dapi il 1977 bunamain senza pausa sco team ni sco furnitur en la classa auta la furmla 1 preschent. Sulet ils onns 1987 e 1988 n’ha Renault betg fatg part a la furmla 1. Il 2011 era Renault sa retratg sco equipa ed aveva sulet furnì motors per pliras squadras da la furmla 1 uschia er per la squadra da Lotus.

RR novitads 06:00