Naziunal/Internaziunal - Remblar: Aur per quartet da pais lev svizzer
Titel da campiun mundial per l'equipa svizra da remblar en la categoria quartet da pais lev. En Frantscha han Mario Gyr, Simon Niepmann, Simon Schürch e Lucas Tramèr gudagnà la medaglia d'aur a moda suverana.
Els èn stads da la partenza fin a l'arrivada a la testa. Gia l'entira stagiun è stada optimala per l'equipa svizra. Avant aveva ella gia recaltgà il titel da campiun d'Europa e gudagnà il classament general da la cuppa mundiala.
Igl è l'emprim titel da campiun mundial per la Svizra dapi il 1995. Lura han ils frars Markus e Michael Gier triumfà en la bartga da dus dubla.
