Siglir tar il cuntegn
cuntegn

Naziunal/Internaziunal Rebensburg triumfescha trais tschientavels avant Mowinckel

La Tudestga Viktoria Rebensburg gudogna il slalom gigant avant la Norvegiaisa Ragnhild Mowinckel e la Taliana Federica Brignone. Las Svizras Mélanie Maillard e Wendy Holdener èn sin plaz 9 e 10.

La victura Viktoria Rebensburg.
Legenda: La victura Viktoria Rebensburg. Keystone

Il Podest

  • Viktoria Rebensburg (De) 2:06,19
  • Ragnhild Mowinckel (No) +0,03
  • Federica Brignone (It) +0,66

La Tudestga Viktoria Rebensburg ha gudagnà il slalom gigant a Kronplatz en las Dolomitas. La campiunessa olimpica da Vancouver en questa disciplina ha gudagnà cun l’avantatg minimal da 3 tschientavels avant la Norvegiaisa Ragnhild Mowinckel. Terza è la Taliana Federica Brignone. Per Viktoria Rebensburg èsi gia la terza victoria da la stagiun, mintgamai en il slalom gigant. Sia victoria è tant pli remartgabla, perquai ch’ella è stada malsauna ed ha stuì desister da las ultimas cursas a Bad Kleinkirchheim e Cortina d’Ampezzo.

Las Svizras

  • 9. Mélanie Meillard +2,16
  • 10. Wendy Holdener +2,38
  • 22. Simone Wild +3,62
  • 26. Lara Gut +4,41

Meglras svizras èn Mélanie Meillard sco novavla e Wendy Holdener sco dieschavla cun in retard da gia varga duas secundas. Simone Wild è 22avla e Lara Gut 26avla. Gut aveva gudagnà la dumengia il super-g a Cortina. En las disciplinas tecnicas ha ella dentant anc betg cuntanschì il medem livel sco avant sia operaziun dal schanugl il schaner da l’onn passà.

La dominatura da la stagiun, l’Americana Mikaela Shiffrin, è crudada gia en l’emprim percurs.

RR novitads 14:00