Siglir tar il cuntegn

Naziunal/Internaziunal Real Madrid perda ma cuntanscha tuttina il final

L’equipa da ballape da Real Madrid cuntanscha il final da la Champions League. En il gieu da return ha Real dentant pers encunter Atletico Madrid cun 1:2. Grazia a la victoria da 3:0 en l’emprim gieu cuntanscha Real per la terza giada dapi il 2014 il final da la Champions League.

Giugaders da Real Madrid
Legenda: Ils giugaders da Real enturn lur star Cristiano Ronaldo han la schanza da defender il titel, quai sco emprima equipa insumma. Keystone

Atletico Madrid ha cumenzà cun grond tempo il derbi cunter Real. Saul e Griezmann han sajettà Atletico gia baud cun dus gols en avantatg. Curt avant pausa è Real vegnì da scursanir entras Isco ed uschia fa tut cler en quest duel da mezfinal. Suenter pausa ha Real Madrid controllà il gieu fin la fin.

Sonda, ils 3 da zercladur vegni a Cardiff tar il final en la Champions League tranter Juventus Torino e Real Madrid.

RR novitads 23:00