Siglir tar il cuntegn
cuntegn

Naziunal/Internaziunal Real Madrid gudogna la Champions League

In nov record per Real Madrid. Il club da ballape gudogna per la terza giada en roda la Champions League. L'equipa spagnola cun ses trenader Zinedine Zidane ha gudagnà il final a Kiew cunter l'FC Liverpool cun 3:1. Per Real è quai gia il 13avel titel da Champions League.

il ballapedist Garret Bale sa legra da ses gol decisiv
Legenda: Garret Bale, l'um dal gieu ha sajettà dus gols e segirà il 13avel titel a Real Madrid. Keystone

La victoria da Real è er stada pussaivla cun dus sbagls fatals dal goli da Liverpool, Loris Karius. Benzema ha profità da l'emprim sbagl en la 51avla minuta e sajettà il 1:0 ed en la 83avla minuta ha lura Garret Bale fatg cler tut cun il 3:1 danovamain suenter in sbagl dal goli da Liverpool.

Tranter en ha Mané pudì egualisar al 1:1 avant che Garret Bale ha sajettà sin moda spectaculara il 2:1 en la 63avla minuta.

Gia en l'emprima mesadad ha il grond tiragols da Liverpool, Mohamed Salah, stuì dar si il gieu suenter ina blessura.

RR novitads 23:00