Siglir tar il cuntegn
cuntegn

Naziunal/Internaziunal Rafal Majka gudogna solo a Cauterets

Il ciclist dal team Tinkoff-Saxo Rafal Majka ha gudagnà la 11avla etappa dal Tour de France. Il spezialist da muntogna da la Pologna ha pudì sa distanziar da la concurrenza al legendar Tourmalet e la finala gudagnà solo a Cauterets.

Purtret dal ciclist polac Rafal Majka.
Legenda: Il ciclist polac Rafal Majka. Keystone

Rafal Majka gudogna uschia sia terza etappa al Tour de France en sia carriera. Il pli datiers da Majka è stà en questa etappa da muntogna l’Irlandais Daniel Martin ch’ha pers ina minuta sin il Polac.

Froome vinavant en il maillot jaune

A la testa dal classament general n’hai dà naginas midadas en questa emprima etappa tras la Pireneas. Il brit Chris Froome ha pudì defender ses maillot jaune, quai er grazia al grond sustegn da ses Team Sky. Froome ha cuntanschì l’arrivada ensemen cun ses gronds rivals, quai passa 5 minutas suenter il victur Rafal Majka. En il classament general maina Chris Froome vinavant avant l’american Tejay Van Garderen (+2:52) ed il Columbian Nairo Quintana (+3:09).

Er cun ils favurits ha il Svizzer Matthias Frank dal team IAM cuntanschì l’arrivada ed uschia pudì defender ses 15avel plaz en il classament general.

RR novitads 18.00