Il pilot da Mercedes, Valteri Bottas ha segirà l'emprima «pole position» da la nova stagiun da furmla 1. Igl è la 12avla «pole position» dal campiun mundial, e la terza al Grond Premi da l'Austria a Spielberg. Sin plazza dus è sa tschentà ses collega da team Lewis Hamilton. Da posiziun trais po partir damaun Max Verstappen, il pilot da Red-Bull.
Betg tenor plan èsi ì per Alfa Romeo. Antonio Giovinazzi parta la dumengia da la posiziun 18, Kimi Raikkönen gist davostiers.