Siglir tar il cuntegn
cuntegn

Naziunal/Internaziunal Prestaziuns magras – ils Americans relaschan Jürgen Klinsmann

Jürgen Klinsmann n'è betg pli trenader da la squadra naziunala da ballape americana. En vista als maghers resultats dal davos temp, ha l'Associaziun americana da ballape annunzià da schliar avant temp il contract cun il Tudestg da 52 onns.

Jürgen Klinsmann
Legenda: Jürgen Klinsmann l’onn 2015 durant in trenament da sia squadra. Keystone

Il davos temp ha la squadra americana pers 2 gieus da la qualificaziun per il campiunadi mundial. L’emna passada hai dà ina terrada da 0:4 cunter la Costa Rica, la pli auta terrada en la qualificaziun per il campiunadi mundial dapi 1957. Ed avant avevan ils Americans pers a chasa cunter il Mexico cun 1:2.

Jürgen Klinsmann ha trenà ils Americans dapi il 2011, tranter auter han els cuntanschì ensemen ils otgavel-finals dal campiunadi mundial 2014. Pli baud ha Klinsmann era trenà la naziunala tudestga e curt il club Bayern München.

RR novitads 22:00