Al campiun olimpic e recordist mundial Eliud Kipchoge èsi reussì da dumagnar la marca da maraton magica da duas uras. A Vienna è l'um da 34 onns currì ils 42,195 kilometers en 1:59,40 uras.
Betg record mundial
Quest resultat na vala però betg sco nov record mundial, cunquai ch’el ha pudì currer sut circumstanzas extraordinarias. El ha gì 41 curriders ch’han fatg tempo per el. Betg tuts da quels han fatg l’entir maraton da l’entschatta. Ultra da quai è el era bunamain l'entir traject currì suenter ad in auto che ha dà avant ad el il temp necessari.
Kipchoge tegna però er il record mundial uffizial. Il temp da record è actualmain tar 2:01,39 uras. Quest temp ha Kipchoge fatg il 2018 tar il maraton a Berlin.
RR novitads 12:00