Siglir tar il cuntegn

Header

cuntegn

Naziunal/Internaziunal President dals Lakers sa retira per immediat

Lucas H. Schluep è sa retratg per immediat da ses uffizi sco president dals Rapperswil-Jona Lakers. Quai ha communitgà il club da hockey dal chantun Son Gagl. Schluep saja sa decidì per quest pass suenter smanatschas massivas envers el e sia famiglia, uschia il club.

Gia il mardis passà è vegnì communitgà l’emprima gia che Schluep sa retiri sco president. Ils Lakers avevan annunzià quai via Twitter, han curt suenter dentant retratg questa novitad.

Rapperswil-Jona Lakers curt avant prender cumià da la LNA

La situaziun tar ils Rapperswil-Jona Lakers vegn adina pli precara. Cun ina chomma e mez è l’equipa dal chantun Son Gagl gia en la liga naziunala B. Sch’ils Lakers perdan anc ina giada encunter Langnau en in dals proxims quatter duels è il temp da l’equipa en la pli auta liga da hockey Svizra a fin. Suenter 21 onns en liga naziunala A vegnissan ils Lakers relegà en liga naziunala B.

audio
Mezdi: La situaziun dals Rapperswil-Jona Lakers fa quittads a l’anteriur giugader grischun Marco Capaul
ord Actualitad dals 09.04.2015.
laschar ir. Durada: 3 minutas.

Che la gnerva è tendida a Rapperswil mussan las acziuns dals ultims dis. Il trenader è vegni relaschà, ed era il president ha bittà la fautsch en il chanvà. La situaziun tar ils Lakers fa era quittà a l’anteriur giugader grischun dals Rapperswil-Jona Lakers, Marco Capaul.

RR novitads 14.00

Artitgels legids il pli savens