Premiera per Michelle Gisin

Emprim plaz da podest per la svizra Michelle Gisin en la cuppa mundiala da skis. Gisin è vegnida segunda oz en la cumbinaziun da Val d’Isère.

Plaz da podest per Michelle Gisin.

Legenda da maletgs: Plaz da podest per Michelle Gisin: En la cumbinaziun ha ella cuntanschì il segund plaz. Keystone

La skiunza bernaisa ha pers be 12 tschientavels sin la slovena Ilka Stuhec che ha gia gudagnà en questa stagiun duas cursas rapidas. Terza è vegnida la taliana Sofia Goggia.

Manchentà il podest sco quarta ha Wendy Holdener ch’era suenter la cursa rapida be 29avla. Il bun resultat svizzer vegn cumplettà cun il 7avel plaz da Denise Feierabend. Lara Gut, 6avla suenter la cursa rapida, è crudada ora en il slalom.

Super G dals umens a Gröden

Il norvegiais Kjetil Jansrud ha gudagnà il Super G dals umens a Gröden. Quai cun 6 tschientavels avantatg sin ses cumpatriot Aleksander Kilde. Il canadais Erik Guay cumplettescha il podest.

Meglier Svizzer è Beaz Feuz sin il 14avel plaz. Carlo Janka è vegnì 22avel.

RR novitads 15:00