Siglir tar il cuntegn
cuntegn

Naziunal/Internaziunal Pozzovivo gudogna etappa roiala

Domenico Pozzovivo ha gudagnà l’etappa roiala dal Tour de Suisse cun l’arriv a La Punt Chamues-ch. Mathias Frank sco quart da questa etappa resta en la cursa per il classament general.

Legenda: Tadlar il audio Domenico Pozzovivo tar l'arriv a La Punt.. Durada 02:42 minutas.
02:42 min, Actualitad dals 16.06.2017.

Il talian Domenico Pozzovivo ha surpassà curt avant il pass da l’Alvra il canadais Michael Woods ed alura distanzià el sin l’ascensiun dal pass. Uschia po Pozzovivo triumfar solo a La Punt. In trio cun il Svizzer Mathias Frank perda sin il leader quatter secundas. En il classament general è Pozzovivo uss leader cun il medem temp sco ses cumpatriot Damiano Caruso. Frank è en il classament general sin plazza tschintg cun in retard da 23 secundas.

Damaun en direcziun da Sölden

La setavla etappa da damaun maina il Tour de Suisse en l’exteriur – en l’Austria. L’etappa da damaun va a fin sin 2’780 meters sur mar, in nov record per il Tour de Suisse.

RR novitads 18:00++