Siglir tar il cuntegn
Inhalt

Naziunal/Internaziunal Pole per Rosberg

Il pilot da furmla 1 Nico Rosberg parta da la pole position tar il Grond premi dal Giapun da damaun. Sco avant in onn ha il Tudestg fatg la runda la pli sperta cun ses Mercedes en la qualificaziun sin la pista da Suzuka.

pilot da furmla 1, Nico Rosberg
Legenda: Nico Rosberg ha cuntanschì la 17avla pole-position en sia carriera. Keystone

Rosberg ha distanzià ses collega da squadra Lewis Hamilton per 76 milliavels secunda. Da posiziun trais parta il pilot da Williams, Valtteri Bottas gist avant Sebastian Vettel en Ferrari. Ils dus pilots da Sauber Marcus Ericsson e Felipe Nasr han cuntanschì sulettamain las posiziuns da partenza 17 e 18. Els han dentant stuì rumper giu lur ultima runda perquai che Max Verstappen è stà entamez la pista.

Il Grond premi dal Giapun a Suzuka è dumengia las 7:00 temp europeic.

RR novitads 10:00