Ses pli grond success ha Martin Plüss (40) gì tar il campiunadi mundial da hockey sin glatsch il 2013 en Svezia. Plüss era ina da las persunas decisivas per il success dal team naziunal svizzer, ch'ha fatg numnadamain la medaglia d'argient.
4 gieus olimpics, 12 campiunadis mundials, 263 gieus internaziunals
Plüss era in leader ed in attatgader excellent cun conscienza defensiva. Questas caracteristicas han purtà el quatter giadas als gieus olimpics, a 12 campiunadis mundials ed a 263 gieus internaziunals.
Suenter l'ultima stagiun e la defensiun da titel gartegiada cun il SC Berna m'ha l'intuiziun ditg, ch'i saja uss in bun mument per chalar.
Ensemen cun il defensur e chapitani dals ZSC Lions Mathias Seger tutga Plüss tar las persunalitads pli extraordinarias da sia generaziun da giugaders.
A la finala era il giugader cun sis titels da campiun senza contract. Fin questa gievgia aveva el laschà avert sia demissiun.
RR novitads 16:00